رحلة جراند اكواريوم الغردقة

ممتاز 9.3 3 تقييمات اطلع على كل تقييمات الرحلة

بمواصفات عالميه تم تصميم الجراند اكواريوم فى الغردقة ، حاجه كده تحفه و مثيرة و خيالية ، تم تصنيف جراند اكواريوم الغردقة احد اهم الاكواريوم على مستوى العالم . ماينفعش تكون لسه مادخلتوش لحد دلوقتى .. لو موجود فى الغردقة يلا بينا على الجراند اكواريوم نستمتع و نعيش احلى مغامره مع القروش و الاسماك الغريبة .

مميزات الرحلة

  • اكواريوم على مستوى عالمى .
  • اسماك القرش و المانتا و حاجه كده اثارة .
  • معرض كائنات بحرية نادرة .
  • خدمة سياحية على اعلى مستوى .

أسعار جراند اكواريوم الغردقة

مدة الرحلة : 3 ساعات

ايام العمل : كل يوم

الفرد البالغ 260 جنيه اكبر من 10 سنوات
الطفل 130 جنيه من 3 سنوات و حتى 10 سنوات
الرضيع مجاناً اقل من 3 سنوات

السعر يشمل

  • الانتقالات ذهاب و عودة من الفنادق التى تقع داخل الغردقة فقط

السعر لا يشمل

  • الانتقالات من الفنادق التى تقع خارج الغردقة مثل فنادق مكادى و سهل حشيش و الجونه .
  • التصوير الفوتوغرافى او الفيديو .

برنامج الرحلة

هانعمل ايه بقى فى الجراند اكواريم ؟

الرحلة هى جوله مفتوحه جوه الجراند اكواريوم . لان المكان كبير و فيه حاجات كتيره خد وقتك فى كل الاماكن و اتصور و اتبسط .

ايه هى الاماكن اللى جوه الجراند اكواريوم ؟

هانقول منهم اهم كام حاجه كده :

حوض الاكواريوم الضخم 

على مساحه كبييره تسع ل 10 ملايين متر مكعب من المياه تم تأسيس حوض ضحم يمتلى باسماك القرش و الكائنات البحريه الغريبه و اسماك المانتا المعروفه . هذا الحوض من المياه تم دخوله الى موسوعة جينيس للارقام القياسية .

النفق الزجاجى 

يلا بينا ندخل النفق بقى جوه الحوض الضخم ده و اللى واضح فى الصور و تبقى فوقك القروش و المانتا و حواليك الاسماك من كل ناحية ده غير استعراض الغواص مع القروش و المانتا و غيرها .

طول النفق 48 متر - عمق النفق 11 متر تحت الحوض .

قلبك جامد يلا ادخل النفق و اتصور مع القرش لما يجى يلعب معاك :)

معرض من الكائنات البحرية النادرة 

فى الدور الثانى من الاكواريم فى الغردقة هاتلاقوا معرض كبيره من الكائنات البحريه النادرة مثل سمكة الاسد و التمسايح الامريكيه النادرة و اسماك البريانا الشرسة و ثعلب البحر  و غيرها . 

ارضية الدور الثانى من الاكواريوم زجاجيه حيث تسطتيع مشاهدة حوض الاكواريوم الضخم من الدور الثانى .. جامده مش كده !!

الغابات 

وهى منطقة مخصصه لمجموعه نادرة من الاشجار و الغابات مصممه بطريقه غريبه تقدر تتمشى جواها و هاتعمل فوتوسيشن جامد اخر حاجه :) .

مجموعة عمل الجراند اكواريوم فى الغردقة مدرب على اعلى مستوى للعمل على راحتكم و استمتاعكم طوال فترة تواجدكم داخل الاكواريوم .

فقط كل ما عليك هو ان تستمتع .. رحلة سعيدة !!

اشياء تحتاجها فى الرحلة

  • الكاميرا الخاصة بك حتى لا تفوتك اجمل لحظات فى الاكواريوم .