"فندق جميل جدا و مكانه ممتاز"

روحنا فندق مارلين ان مع شركة جايد و بجد الفندق فعلا مكانه ممتاز صحيح مافيهوش اكوا بس الخدمات اللى فيه احسن من فنادق كتيره روحناها قبل كده و كانت فيها اكوا و ماستمتعناش , المهم مش فى الاكوا المهم فى الفندق نفسه و خدماته تكون كويسه .
طبعا لازم اشكر شركة جايد على تعبها معانا و متابعتها لكل تفاصيل الرحلة بتاعتنا .
ده غير طبعا لما طلعنا رحلة الدولفين هاوس بجد كانت تحفة .
كل سنه و انتم طيبين و انشاء الله نشوفكم من نجاح لنجاح و تبقوا اكبر شركة فى الغردقة عشان انتوا فعلا تستاهلوا كده .
ملاك انيس

من : ملاك انيس 2018-07-09

تقييمات اخرى لعملائنا على فنادق الغردقة

" اول مره نحجز فى الفندق و انبسطنا جدا "

اول مره نحجز فى فندق بالم بيتش و فى الاول كنا قلقانين منه لكن بعد ما وصلنا الفندق و شوفنا طريقة معاملة الموظفين اللى هناك معانا ونضافة الفندق و الريسبشن اطمنا الى حد ما .
قعدنا شويه لحد ما استلمنا الغرفة بتاعنا عشان كنا عدد كبير حوالى 7 غرف . و الشركة بصراحة ماسابتناش لحظه واحده فضلت معانا لحد ما طلعنا الاوض بتاعتنا و كل حاجه كانت تمام .
الفندق بقى من جوه حاجه غير اللى كنا متخيلنها تماما من النضافة و التعامل و البرنامج الترفيهى و كل حاجه بصراحه كانت حلوه جدا .
من اجمل الاجازات اللى قضناها فى الغردقة .... طبعا الفضل بعد ربنا سبحانه و تعالى للاستاذ فهمى سلام المسئول عن الحجز بتاعنا فى شركة جايد .
بتمنالكم الوفيق و من نجاح لنجاح دائما .

تعليق على : فندق بالم بيتش الغردقة

من : اسماء عبد المقصود 2018-07-10

" الفندق روعه روعه و مكانه فوق الممتاز فى وسط البلد "

حجزنا مع شركة جايد يوم 28 يونيه اللى فات ده فى فندق رجينا كنا مجموعه حوالى 7 غرف و بصراحة شركة دايد ماسابتناش لحظه من ساعة وصولنا الغردقة لحد ما رجعنا تانى اسيوط .
الغرف كويسه ف الفندق و الاكوابارك ممتازة و البيتش حلو اوى .
الاستاف اللى موجود ف الفندق ممتاز و محترم جدا و بصراحة قام بضيافتنا على اكمل وجه .
الرحلات اللى طلعناها مع الشركة كانت ممتازة كمان اخترنا رحلتنين رحلة دولفين هاوس و رحلة غواصى سى وولف .
الرحلتيتن كانوا حلوين جدا صحيح العربيه اتاخرت عليان شويه فى الرحلة الاولى بس عرفنا انه كان فيه لجنه ف الطريق هى اللى بوظت المواعيد كلها .
فى الاخر بقى شكرا للشركة المحترم و الناس الخلوقة اللى فى الشركة على الاجازة الحلوة و انشاء الله تتكرر تانى فى اقرب وقت .

تعليق على : ريجينا اكوابارك الغردقة

من : علياء احمد خليل 2018-07-12

" الفندق يستحق تقييم 10 من 10 حاجه محترمه جدا "

من اجمل الاجازات اللى قضناها فى الغردقة كانت فى فندق الياسمين السنه اللى فاتت .
الفندق فيه خدمات محترمه جدا جدا و استاف على خلق كريم و ضيافة حسنة لينا كلنا من اول يوم وصلنا فيه الفندق الى اخر يوم غادرنا فيه .
كان حجزنا غرفة عاديه خالص على الحديقه و لاقينا الغرفة اللى استلمناها على حمام السباحه .
المطعم فوق الممتاز و الشاطئ رملى و نظافة الفندق فى الاماكن العامه او الغرفة او الريسيبشن كله ممتاز ممتاز .
اما شركة جايد فمش محتاجه تقييم لان سمعتها سابقاها . شكرا ومن تقدم لتقدم .

تعليق على : الياسمين بالاس الغردقة

من : سيد اسماعيل يونس 2018-07-14