"المنتجع تحفة و الاكوابارك تجنن ، استمتعنا جدا"

لسه راجعين من فندق سيزار بالاس و قضينا اجمل ايام السنه كلها فى المنتجع .
كل حاجه فيه حلوه و جميله و منظمه .
الاكوابارك بقى تجنن لعبنا و اتنططا صغيرين و كبار
المطعم كويس و البحر بعيد شويه بس نضيف و جميل
العاملين فى الفندق فى قمة الاحترام و الاخلاق فى التعامل معاناا و مع كل الناس صراحة
ادارة الفندق المحترمه بتدخل بشكل سريع لحل اى مشكله بتواحة الموجودين .
شركة جايد ماسابتناش لحظة واحده و فى اى وقت كنا نطلب منهم اى حاجه بنلاقيهم موجودين .
شكرا لك واحد خلانا نرجع مبسوطين من الغردقة .

من : ممدوح كرم 2018-07-30

تقييمات اخرى لعملائنا على فنادق الغردقة

" فندق ممتاز و موظفين محترمين جدا "

الفندق بجد حلو جدا و سعره معقول بالمقارنه بخدماته و فنادق تانيه كتيره و الموظفين فى قمة الاحترام و المصداقية و التعامل الراقى مع العملاء سواء من اول ما كلمنا الشركة لحد الاستقبال و كمان موظفين الفندق تعامل محترم جدا سواء فى المطعم او خدمات الغرف و خلاقه
شكرا لكل واحد ساعدنا نقضى اجازة حلوه فى الغردقة

تعليق على : منتجع البلاسيو ريزورت اكوابارك

من : ثناء عبدالله 2018-06-30

" فندق جميل جدا و مكانه ممتاز "

روحنا فندق مارلين ان مع شركة جايد و بجد الفندق فعلا مكانه ممتاز صحيح مافيهوش اكوا بس الخدمات اللى فيه احسن من فنادق كتيره روحناها قبل كده و كانت فيها اكوا و ماستمتعناش , المهم مش فى الاكوا المهم فى الفندق نفسه و خدماته تكون كويسه .
طبعا لازم اشكر شركة جايد على تعبها معانا و متابعتها لكل تفاصيل الرحلة بتاعتنا .
ده غير طبعا لما طلعنا رحلة الدولفين هاوس بجد كانت تحفة .
كل سنه و انتم طيبين و انشاء الله نشوفكم من نجاح لنجاح و تبقوا اكبر شركة فى الغردقة عشان انتوا فعلا تستاهلوا كده .
ملاك انيس

تعليق على : مارلين ان الغردقة

من : ملاك انيس 2018-07-09

" اول مره نحجز فى الفندق و انبسطنا جدا "

اول مره نحجز فى فندق بالم بيتش و فى الاول كنا قلقانين منه لكن بعد ما وصلنا الفندق و شوفنا طريقة معاملة الموظفين اللى هناك معانا ونضافة الفندق و الريسبشن اطمنا الى حد ما .
قعدنا شويه لحد ما استلمنا الغرفة بتاعنا عشان كنا عدد كبير حوالى 7 غرف . و الشركة بصراحة ماسابتناش لحظه واحده فضلت معانا لحد ما طلعنا الاوض بتاعتنا و كل حاجه كانت تمام .
الفندق بقى من جوه حاجه غير اللى كنا متخيلنها تماما من النضافة و التعامل و البرنامج الترفيهى و كل حاجه بصراحه كانت حلوه جدا .
من اجمل الاجازات اللى قضناها فى الغردقة .... طبعا الفضل بعد ربنا سبحانه و تعالى للاستاذ فهمى سلام المسئول عن الحجز بتاعنا فى شركة جايد .
بتمنالكم الوفيق و من نجاح لنجاح دائما .

تعليق على : فندق بالم بيتش الغردقة

من : اسماء عبد المقصود 2018-07-10