"الاكوابارك جامدة والشاطئ رملى و الاكل ممتاااز"

الاكوابارك فى الفندق جامدة جدا و العابها كتيره و شكلها اصلا حلو كده و العيال فرحوا بيها اوى .
الشاطئ بتاع الفندق ممتاز جدا ورملى و ممهد غير فنادق كتيره رحناها قبل كده الشاطئ بتاعها ماكانش كويس .
الاكل و المطعم بصفه عامه كان فوق الروعه و متغير كل يوم اصناف جديده و بار بى كيو فى العشا صحيح مش كل يوم بس كانت جامده برده .
الفندق بس هو واسع شويه و كبير بس لو رحت الاكوابارك الوقت هايعدى هناك و لو رحت الشط الوقت كله هايعدى هناك .
حبيت اقول تجربتى فى الفندق و اشجع اى حد يحجز الفندق ده و خصوصا مع شركة جايد المحترمه و ناسها الخلوقة .

من : هشام الصاوى 2018-07-17

تقييمات اخرى لعملائنا على فنادق الغردقة

" مكان الفندق ممتاز فى الممشى السياحى "

من اجمل الفنادق اللى نزلناها فى الغردقة هو فندق السندباد فى الممشى السياحى .
اكوابارك و لا اروع من كده .
مكان مميز جدا فى الممشى السياحى فى الغردقة يعنى كنا على طول بنتفسح بعد الحفلة بالليل اللى فى الفندق .
المطاعم محترمه جدا و الاكل كويس .
البرنامج الترفيهى اصلا مش بيخلينا نقعد فى الاوض بتاعتنا .
الشاطئ اللى كنا بندخله فى الناحيه التانيه من الفندق بتاع الفندق سندباد بيتش من اجمل شواطئ الغردقة اللى نزلناها .
شركة جايد المحترمه و الخلوقه بكل اللى فيها مش ول مرة نتعامل معاكوا ، انتوا عودتونا على كده التزام و مصداقية و احترام للعميل .
ربنا يوفقكم و من نجاح لنجاح دايما .

تعليق على : قرية السندباد اكوابارك الغردقة

من : مايكل فهيم 2018-07-19

" من اجمل شواطئ الغردقة "

من اجمل الشواطئ و الفنادق فى الغردقة حاجه كده جميله
الفندق اصلا على بعضه كده تحفة . احنا مش اول مره ننزل فى فندق ديزرت روز دى تانى مره
و فى كل مره بيزيد اعجابنا بالفندق صحيح السنه دى بقى غالى جدا بس يستاهل و يستاهل اكتر من كده كمان .
المطاعم و الاكوابارك و الغرف و النضافة و الاستاف و البيسين و الشط و كله فوق الممتاز .
اما شركة جايد فهى كالعادة متالقة فى المجال ده من ساعة ما اتعاملنا معاهم من سنة 2014 و هى كل مره بتقدملنا كل حاجه عشان تسهل علينا كل الامور فى الحجز و التسكين و كله .
نتمنالكم النجاح دايما .
وماتنسوش احنا حاجزين السنه الجاية كمان فى ديزرت روز غرفة رقم 7224 مبنى 7 الدور التانى :)

تعليق على : منتجع ديزرت روز الغردقة

من : هشام اسماعيل 2018-07-23

" المنتجع جميل جدا فوق الممتاز كمان "

عن منتجع ستيلا جاردن فى مكادى اللى قضينا فيه اجازة من اجمل الاجازات اللى نزلنا فيها فى الغردقة مع الاسرة .
حجز 7 غرف كانوا على حمام السباحه .
الاكوابارك صحيح مش كبيره بس مش كل حاجه فى الفندق اكوابارك يعنى . فيه خدمات محترمه و امطعم كويس و غرف كويسه جدا و بارات .
بستغرب اوى من الناس اللى بيبقى كل همهم اكوابارك و مش مهم خدمة الفندق نفسه عامله ايه ؟
انا بالسنبه ليا اهم حاجه عندى هى الخدمة الفندقيه تكون على مستوى عالى و تليق بالنزلاء فى الفندق و ده اللى لمسته فى فندق ستيلا جاردن مكادى .
شكرا شركة جايد المحترمه بصفه عامة .
شكرا للاستاذ فهمى خاصة .
و انشاء الله نكون معاكم فى اجازات جايه , ربنا يوفقكم دايما

تعليق على : منتجع ستيلا دى مارى الغردقة

من : سالى اسحق 2018-07-26