"استاف محترم و اخلاقه عاليه جدا و الفندق حلو و خدماته كويسه"

اكتر حاجه لفتت انتباهى فى الفندق هو طريقة تعامل الموظفين فى الفندق مع العملاء .
لاننا رحنا السنة اللى فاتت فندق بدون ذكر اسماء بقى و بصراحة اتعاملنا معاملة زى الزفت و كانوا بيفرقوا فى التعامل بين المصريين و الاجانب .
بس براحة فندق بانوراما حسينا بفرق كبير و حسينا اد ايه الفندق بيعمل حساب لكل عميل سواء مصرى او اجنبى .
الفندق بصفه عامه كويس و خدماته حلوه و المطعم متنوع كل يوم غير التانى .
ده غير طبعا شركة جايد ترافيل و خدماتها المعروفه و بصراحه هى بتعرف تختار الفنادق اللى تتعامل معاها .
دى اول مره مره نتعامل معاها بس انشاء الله مش اخر مرة
نشوفكم دايما على خير و زى ما وعدتكم انى اقول رايى بصراحه فى الاجازة بتاعتى معاكم .
شكرا

من : سيد رجب 2018-07-16

تقييمات اخرى لعملائنا على فنادق الغردقة

" الاكوابارك جامدة والشاطئ رملى و الاكل ممتاااز "

الاكوابارك فى الفندق جامدة جدا و العابها كتيره و شكلها اصلا حلو كده و العيال فرحوا بيها اوى .
الشاطئ بتاع الفندق ممتاز جدا ورملى و ممهد غير فنادق كتيره رحناها قبل كده الشاطئ بتاعها ماكانش كويس .
الاكل و المطعم بصفه عامه كان فوق الروعه و متغير كل يوم اصناف جديده و بار بى كيو فى العشا صحيح مش كل يوم بس كانت جامده برده .
الفندق بس هو واسع شويه و كبير بس لو رحت الاكوابارك الوقت هايعدى هناك و لو رحت الشط الوقت كله هايعدى هناك .
حبيت اقول تجربتى فى الفندق و اشجع اى حد يحجز الفندق ده و خصوصا مع شركة جايد المحترمه و ناسها الخلوقة .

تعليق على : ميراج باى اكوابارك الغردقة

من : هشام الصاوى 2018-07-17

" مكان الفندق ممتاز فى الممشى السياحى "

من اجمل الفنادق اللى نزلناها فى الغردقة هو فندق السندباد فى الممشى السياحى .
اكوابارك و لا اروع من كده .
مكان مميز جدا فى الممشى السياحى فى الغردقة يعنى كنا على طول بنتفسح بعد الحفلة بالليل اللى فى الفندق .
المطاعم محترمه جدا و الاكل كويس .
البرنامج الترفيهى اصلا مش بيخلينا نقعد فى الاوض بتاعتنا .
الشاطئ اللى كنا بندخله فى الناحيه التانيه من الفندق بتاع الفندق سندباد بيتش من اجمل شواطئ الغردقة اللى نزلناها .
شركة جايد المحترمه و الخلوقه بكل اللى فيها مش ول مرة نتعامل معاكوا ، انتوا عودتونا على كده التزام و مصداقية و احترام للعميل .
ربنا يوفقكم و من نجاح لنجاح دايما .

تعليق على : قرية السندباد اكوابارك الغردقة

من : مايكل فهيم 2018-07-19

" من اجمل شواطئ الغردقة "

من اجمل الشواطئ و الفنادق فى الغردقة حاجه كده جميله
الفندق اصلا على بعضه كده تحفة . احنا مش اول مره ننزل فى فندق ديزرت روز دى تانى مره
و فى كل مره بيزيد اعجابنا بالفندق صحيح السنه دى بقى غالى جدا بس يستاهل و يستاهل اكتر من كده كمان .
المطاعم و الاكوابارك و الغرف و النضافة و الاستاف و البيسين و الشط و كله فوق الممتاز .
اما شركة جايد فهى كالعادة متالقة فى المجال ده من ساعة ما اتعاملنا معاهم من سنة 2014 و هى كل مره بتقدملنا كل حاجه عشان تسهل علينا كل الامور فى الحجز و التسكين و كله .
نتمنالكم النجاح دايما .
وماتنسوش احنا حاجزين السنه الجاية كمان فى ديزرت روز غرفة رقم 7224 مبنى 7 الدور التانى :)

تعليق على : منتجع ديزرت روز الغردقة

من : هشام اسماعيل 2018-07-23