"الفندق روعه روعه و مكانه فوق الممتاز فى وسط البلد"

حجزنا مع شركة جايد يوم 28 يونيه اللى فات ده فى فندق رجينا كنا مجموعه حوالى 7 غرف و بصراحة شركة دايد ماسابتناش لحظه من ساعة وصولنا الغردقة لحد ما رجعنا تانى اسيوط .
الغرف كويسه ف الفندق و الاكوابارك ممتازة و البيتش حلو اوى .
الاستاف اللى موجود ف الفندق ممتاز و محترم جدا و بصراحة قام بضيافتنا على اكمل وجه .
الرحلات اللى طلعناها مع الشركة كانت ممتازة كمان اخترنا رحلتنين رحلة دولفين هاوس و رحلة غواصى سى وولف .
الرحلتيتن كانوا حلوين جدا صحيح العربيه اتاخرت عليان شويه فى الرحلة الاولى بس عرفنا انه كان فيه لجنه ف الطريق هى اللى بوظت المواعيد كلها .
فى الاخر بقى شكرا للشركة المحترم و الناس الخلوقة اللى فى الشركة على الاجازة الحلوة و انشاء الله تتكرر تانى فى اقرب وقت .

من : علياء احمد خليل 2018-07-12

تقييمات اخرى لعملائنا على فنادق الغردقة

" الفندق يستحق تقييم 10 من 10 حاجه محترمه جدا "

من اجمل الاجازات اللى قضناها فى الغردقة كانت فى فندق الياسمين السنه اللى فاتت .
الفندق فيه خدمات محترمه جدا جدا و استاف على خلق كريم و ضيافة حسنة لينا كلنا من اول يوم وصلنا فيه الفندق الى اخر يوم غادرنا فيه .
كان حجزنا غرفة عاديه خالص على الحديقه و لاقينا الغرفة اللى استلمناها على حمام السباحه .
المطعم فوق الممتاز و الشاطئ رملى و نظافة الفندق فى الاماكن العامه او الغرفة او الريسيبشن كله ممتاز ممتاز .
اما شركة جايد فمش محتاجه تقييم لان سمعتها سابقاها . شكرا ومن تقدم لتقدم .

تعليق على : الياسمين بالاس الغردقة

من : سيد اسماعيل يونس 2018-07-14

" ديزرت روز العشق فى الغردقة "

يعنى ايه ننزل الغردقة و مايبقاش فى فندق ديزرت روز .
مستحيل تحصل من اول ما عرفنا طريق الغردقة اننا مانكونش فى فندق ديزرت روز كل سنه .
الفندق من اجمد الفنادق فى الغردقة و على ضمنتى اى حد يروحه هاينبسط .
هو صحيح سعره اخر سنتين كده بقى غالى شويه بس و صقدونى يستاهل كل مليم تدفعه فيه .
حمامت سباحه و اكوابارك و غرف و مطعم و استاف جميل كله جميل .
شكرا ديزرت روز ، شكرا جايد ترافيل

تعليق على : قرية وردة الصحراء فى الغردقة

من : مايكل خليل 2018-07-14

" استاف محترم و اخلاقه عاليه جدا و الفندق حلو و خدماته كويسه "

اكتر حاجه لفتت انتباهى فى الفندق هو طريقة تعامل الموظفين فى الفندق مع العملاء .
لاننا رحنا السنة اللى فاتت فندق بدون ذكر اسماء بقى و بصراحة اتعاملنا معاملة زى الزفت و كانوا بيفرقوا فى التعامل بين المصريين و الاجانب .
بس براحة فندق بانوراما حسينا بفرق كبير و حسينا اد ايه الفندق بيعمل حساب لكل عميل سواء مصرى او اجنبى .
الفندق بصفه عامه كويس و خدماته حلوه و المطعم متنوع كل يوم غير التانى .
ده غير طبعا شركة جايد ترافيل و خدماتها المعروفه و بصراحه هى بتعرف تختار الفنادق اللى تتعامل معاها .
دى اول مره مره نتعامل معاها بس انشاء الله مش اخر مرة
نشوفكم دايما على خير و زى ما وعدتكم انى اقول رايى بصراحه فى الاجازة بتاعتى معاكم .
شكرا

تعليق على : بانوراما بانجلوس اكوابارك الغردقة

من : سيد رجب 2018-07-16